الصناعات الغذائية المصرية بتكسب أرض جديدة في الأسواق العالمية.. والأرقام بتكشف طفرة كبيرة.
خلال أول 8 شهور من 2026، صادرات الصناعات الغذائية المصرية وصلت لحوالي 5.13 مليار دولار، بزيادة 10.8% عن نفس الفترة من العام اللي فات.
واللافت إن 15 سلعة بس استحوذت على حوالي 72% من إجمالي الصادرات، بقيمة وصلت لـ3.68 مليار دولار.
وفي الصدارة؟ الفراولة المجمدة.. صادراتها وصلت لـ617 مليون دولار، بنمو 8%، لتفضل أكبر سلعة غذائية مصرية مصدرة.
وبعدها جاءت مركزات المشروبات الغازية بـ419 مليون دولار، ثم الزيوت الصالحة للأكل بـ351 مليون دولار.
لكن المفاجأة الكبيرة كانت في الشوكولاتة.. صادراتها قفزت لـ301 مليون دولار، مقابل 152 مليون دولار في نفس الفترة من 2025، يعني نمو ضخم وصل لـ98%.
وكمان حققت منتجات تانية زي محضرات تغذية الحيوانات، العصائر، الزيتون المصنع، والمحضرات الغذائية المتنوعة نموًا ملحوظًا.
والقطاع مش واقف عند كده.. المجلس التصديري للصناعات الغذائية مستهدف يتجاوز 7.5 مليار دولار صادرات بنهاية 2026.
يعني الفراولة والشوكولاتة مش بس نجوم القائمة.. الصناعات الغذائية المصرية كلها بتوسع حضورها في الأسواق العالمية.
التعليقات