عاجل: تركيا تقترب من المليار دولار.. وتتصدر مستوردي الكيماويات والأسمدة المصرية

تركيا قربت تكسر المليار دولار من وارداتها من الكيماويات والأسمدة المصرية.

خلال أول 8 شهور من 2026، صادرات مصر من الصناعات الكيماوية والأسمدة لتركيا وصلت لـ943 مليون دولار، بنمو 20.3% عن نفس الفترة من السنة اللي فاتت.

وده خلى تركيا تتصدر قائمة أكبر الدول المستوردة للقطاع من مصر.

والرقم ده جه وسط قفزة كبيرة في إجمالي صادرات الصناعات الكيماوية والأسمدة المصرية، اللي وصلت لـ8.25 مليار دولار خلال نفس الفترة، بزيادة 30.2% عن 2025.

والأسمدة لوحدها سجلت 2.21 مليار دولار، بينما صادرات البتروكيماويات وصلت لـ2.03 مليار دولار.

لكن اللافت إن تركيا مش السوق الوحيدة اللي صادرات مصر ليها بتكبر..

الهند وصلت صادرات مصر ليها لـ626.9 مليون دولار، بنمو ضخم بلغ 325.2%.

والصادرات للصين قفزت بنسبة 678%، لتسجل 287.1 مليون دولار.

يعني قطاع الكيماويات والأسمدة المصري مش بس بيحقق نمو في إجمالي الصادرات.. لكنه كمان بيوسع حضوره في أسواق دولية كبيرة.