القاهرة الكبرى داخلة على جيل جديد من وسائل النقل.. 3 وسائل جديدة بدأت تظهر على أرض الواقع.
أولها قطارات مترو جديدة من كوريا الجنوبية، وبدأ أول قطار منها الخدمة بالركاب على الخط الثاني لمترو الأنفاق.
الصفقة دي بتضم 40 قطار بإجمالي 320 عربة، منهم 8 قطارات للخط الثاني و32 قطار للخط الثالث، بقيمة حوالي 656 مليون دولار.
وفي الخط الأول، قطارات “متروبوليس” الفرنسية الجديدة بدأت تظهر خلال الاختبارات، تمهيدًا لدخولها التشغيل التجاري بعد استكمال الاختبارات الفنية.
صفقة ألستوم بتضم 55 قطار بإجمالي 495 عربة، بعقد قيمته حوالي 876 مليون يورو، ومعاها برنامج صيانة لمدة 8 سنين.
أما المفاجأة التالتة، فهي الأتوبيسات الكهربائية الجديدة لهيئة النقل العام بالقاهرة.
القاهرة بتستعد لاستقبال 100 أتوبيس كهربائي جديد، والتصنيع المحلي فيها تجاوز 45%، مع تجهيز جراج الأميرية كمركز رئيسي للتشغيل والشحن.
يعني القاهرة الكبرى مش بس بتبني خطوط نقل جديدة.. لكن كمان بتجدد الأسطول اللي شغال بالفعل، بـ95 قطار مترو جديد و100 أتوبيس كهربائي.
التعليقات